Një propagandist i luftës pro Putinit është vrarë dhe 15 të tjerë janë plagosur pasi një bombë e fshehur brenda një statuti shpërtheu në një kafene në qytetin e dytë më të madh të Rusisë.
Vladlen Tatarski, 40 vjeç, emri i vërtetë i të cilit është Maxim Fomin, u vra në Shën Petersburg të dielën kur një grua e paidentifikuar i dhuroi atij një statujë që me sa duket shpërtheu. Më vonë mediat ruse si dhe portali ukrainas NEXTA në faqen e tij në tëitter, raportoi se policia kishte kryer kontrolle në banesën e një gruaje të identifikuar si Daria Terpova (Darya Terpova), e cila ishte thuhet se u arrestua dhe ndodhet në spital për shkak të lëndimeve në trup për shkaqe të panjohura.
https://twitter.com/i/status/1642662322102493184
Tatarski mësohet të ketë qenë duke u takuar me anëtarët të një klubi të njohurish. Gruaja kishte pozuar si një mbështetëse e Kremlinit, sipas raportimeve. Nuk ka asnjë të dhënë se kush qëndron pas shpërthimit dhe Ukraina ka mohuar përfshirjen. Shpërthimi ndodhi në kafenenë Street Bar në qytetin e dytë më të madh të Rusisë, duke vrarë Tatarski dhe duke lënë të paktën 16 të plagosur. Shpërthimi kishte një fuqi prej 200 gram TNT, thanë zyrtarët rusë të sigurisë. Mësohet se shpërthimi u shkaktua nga një sasi lënde plasëse fshehur brenda një statuje që iu dha Tatarskit si dhuratë. Dëshmitarët okularë pretendojnë se gruaja iu afrua Tatarskit dhe ‘i dha një figurinë, e cila shpërtheu në duart e tij. “Ai u vra në vend”. Një tjetër rrëfim i incidentit pretendon se një bombë ishte vendosur në kafene. Ministria e Punëve të Brendshme të Rusisë, konfirmoi vdekjen e Tatarskit në një mesazh Telegram, raporton Daily Mail.
“Shkaqet dhe rrethanat” e sulmit po “përcaktohen”. Restoranti dikur i përkiste Yevgeny Prigozhin, themeluesit të ushtrisë private Ëagner që po lufton për Rusinë në Ukrainë.
Një grup i quajtur Cyber Front Z, i cili i referohet vetes në mediat sociale si ‘trupat e informacionit të Rusisë’, tha se kishte marrë me qira kafenenë për mbrëmjen. Fasada e ndërtesës thuhet se është dëmtuar nga shpërthimi.
“Kishte një sulm terrorist. Ne morëm disa masa sigurie, por fatkeqësisht ato nuk ishin të mjaftueshme”, tha grupi në Telegram.
“Ngushëllime për të gjithë ata që e njihnin korrespondentin e shkëlqyer të luftës dhe mikun tonë Vladlen Tatarski”, thuhej në të.
Zyrtarët thonë se “shkaqet dhe rrethanat e incidentit po përcaktohen”, sipas mesazheve të Telegramit rus të shqyrtuara nga MailOnline.
“Raportuesi” i luftës Tatarski (Tatarsky) ishte një nga nxitësit më të mëdhenj të tifozëve për luftën e Putinit dhe shkatërrimin e Ukrainës si një komb më vete.
Kanali i tij në Telegram kishte më shumë se 560 mijë ndjekës dhe ai njihej si një nga blogerët ushtarakë më me ndikim që kishte dhënë një koment shpeshherë kritik për luftën.
Disa orë para shpërthimit ai vlerësoi shfaqjen e reklamave në Moskë që kërkonin rekrutë për luftëtarët e Ëagner. “Është bukur të shohësh një reklamë të tillë në natyrë”, tha ai.
Para se të bëhej propagandist, Tatarski kishte qenë luftëtar në betejat në Ukrainën lindore në vitin 2014.
Gazetari ukrainas Yuriy Butusov komentoi vdekjen e Tatarskit, duke e quajtur me emrin e tij të vërtetë, Fomin. “Fomin është një ish-shtetas i Ukrainës, i dënuar në vitin 2011 me 12 vjet burg për një grabitje të armatosur të një banke në Donbas. Ai u lirua nga zona në vitin 2014 nga trupat ruse, nën detyrimin për të luftuar kundër Ukrainës. Fomin nuk u ul gjatë në llogore dhe u bë bloger dhe një nga simbolet e pushtimit rus” Fomin ishte i ftuar më 22 dhjetor në fjalimin e Putinit në Kremlin mes përfaqësuesve të elitës ruse. Likuidimi i tij është një goditje e rëndë për propagandën ruse.
Ai ishte mes qindra të pranishmëve në një ceremoni luksoze të Kremlinit shtatorin e kaluar deri në shpalljen e aneksimit nga Rusia të katër rajoneve pjesërisht të okupuara të Ukrainës, një lëvizje që shumica e vendeve në OKB e dënuan si të paligjshme.
Despoti ideoilogjik i Putinit, Aleksandër Dugin, vajza e të cilit Daria Dugina u vra në një shpërthim bombe – postoi një foto të vajzës së tij me Tatarski dhe shkroi: “Kjo është se si krijohet historia e shenjtorëve të vërtetë rusë. Reale. Jo fiktive. Nuk thithet nga gishti. Rrahje nga zemra. Nëse nuk është shenjtëri, atëherë nuk ka shenjtëri”. I lindur në Ukrainën Sovjetike, ai tha pas një fjalimi të Putinit në dhjetor: “Ne do t’i pushtojmë të gjithë, do t’i vrasim të gjithë. Ne do të plaçkitim këdo që të kemi nevojë dhe gjithçka do të jetë ashtu siç duam ne.”
Më herët në tetor, në një video ai shihet tek sa deklaron: “Një ukrainas është një rus që u sëmur mendërisht….”
Në qershor, kur trupat ruse u detyruan të largoheshin nga ishulli i gjarpërinjve nga Ukraina, ai vlerësoi ‘luftën heroike’ të luftëtarëve të Putinit. Që prej nisjes së pushtimit të Ukrainës zjarre dhe shpërthime dhe atentate të ndryshme kanë ndodhur në Rusi. Rastet në dukje nuk kanë ndonjë tregues të qartë për një lidhje me konfliktin, por ato kanë një rastësi të habitshme.
